www.eter.am

#5 (871) 03.02.2011

ՆՈՐ ԿՐԹԱԿԱՆ ԾՐԱԳԻՐ

2006 թվականից Երեւանի պետական համալսարանում գործում է Եվրոպական ուսումնասիրությունների կենտրոնը: Կենտրոնի գործունեության հիմնական ոլորտներն ենª կրթություն, միջմասնագիտական եւ նեղմասնագիտական հետազոտություններ, փորձագիտական վերլուծություն, ԵՄ տեղեկատվական կենտրոն: Կենտրոնի տնօրեն Արթուր Ղազինյանի հետ զրույցի ժամանակ պարզեցինք, որ իրենք Եվրոպական

ուսումնասիրությունների միջմասնագիտական մագիստրոսական ծրագրի երկու դրամաշնորհ են շահել: Եվրոպական ուսումնասիրությունների կենտրոնը, Հայաստանում Եվրոպական միության պատվիրակության աջակցությամբ, ՀՀ կրթական համակարգում առաջին անգամ 2008-ին

մշակել եւ ներկայումս արդյունավետ իրականացնում է «Եվրոպական ուսումնասիրություններ» միջմասնագիտական մագիստրոսական ծրագիրը: «Մագիստրոսական ծրագիրը մշակվել է ԵՄ անհատ փորձագետների աջակցությամբ եւ ԵՄ անդամ պետություններում գործող հեղինակավոր գիտական ու կրթական հաստատությունների հետ արգասաբեր համագործակցության արդյունքում եւ լիովին համապատասխանում է ԵՄ կողմից ներկայացվող պահանջներին ու չափանիշներին»,- նշեց պարոն Ղազինյանը: Ծրագրի տեւողությունը 2 տարի է: Բաղկացած է պարտադիր եւ կամընտրովի դասընթացներից, որոնք հավասարապես բաժանված են Եվրոպական ուսումնասիրությունների միջմասնագիտական ծրագրի մաս կազմող իրավագիտական, քաղաքագիտական, կառավարման եւ տնտեսագիտական կրթաբլոկների միջեւ:

Եվրոպական ուսումնասիրությունների մագիստրոսի որակավորման աստիճան ստանալու համար

ուսանողը պետք է հաջողությամբ լրացնի 120 կրեդիտ ուսումնական բեռնվածությունª ներառյալ 12 կրեդիտ ծավալով մագիստրոսական ատենախոսությունը եւ 66 կրեդիտ ծավալով մասնագիտական դասընթացների կրթամասը:

Դասավանդման գործընթացին, բացի ԵՊՀ բարձրորակ պրոֆեսորադասախոսական անձնակազմից, մասնակցում են նաեւ ինչպես ՀՀ-ում մշտապես գործող դիվանագիտական ներկայացուցչությունների փորձագետներ, այնպես էլ գործընկեր համալսարանների անհատ պրոֆեսորներ: Ծրագրի ավարտին ուսանողները կստանան «Եվրոպագիտություն» մասնագիտությունը, որը ՀՀ Կառավարությունը հաստատել է 2010թ. Նոյեմբերին: Երկրորդը

«Մարդու իրավունքներ եւ

ժողովրդավարացում» տարածաշրջանային

միջմասնագիտական մագիստրոսական ծրագիրն է: 2011թ.-ից, Եվրոպական հանձնաժողովի կողմից հայտարարված գրանտի շրջանակներում, Եվրոպական ուսումնասիրությունների կենտրոնը ծրագրում է իրականացնել Հայաստանում եւ ԵՄ Արեւելյան գործընկերության ողջ տարածաշրջանում նախադեպը չունեցող «Մարդու իրավունքներ եւ ժողովրդավարացում» միջմասնագիտական տարածաշրջանային մագիստրոսական ծրագիրը: Այն իրականացվելու է 4 գործընկեր համալսարանների կողմից (Երեւանի պետական համալսարան, Կիեւի Տարաս Շեւչենկոյի անվան ազգային համալսարան, Բելառուսի պետական համալսարան եւ Մոլդովայի քաղաքական եւ տնտեսագիտական եվրոպական ուսումնասիրությունների համալսարան): Ծրագրի շրջանակներում ուսանողները կստանան մարդու իրավունքների եւ ժողովրդավարացման ոլորտում համապարփակ տեսական գիտելիքներ եւ պրակտիկ ունակություններ: Ծրագրի շրջանակներում նախատեսվում է ուսանողների եւ դասախոսների փոխանակում, ուսուցողական այցեր ԵՄ ինստիտուտներ, վերապատրաստում ծրագրին մասնակից երկրներում: Ծրագրի տեւողությունը 2 տարի է: Հարկ է նշել, որ աշխարհում գործում է նմանատիպ 5 ծրագիր: «Մեզ մոտ չեն գործելու Հայաստանի կրթական ոլորտում արմատացած ավանդույթները: Մեզ ուղղակի եվրոպական դիպլոմի հավակնորդներ պետք չեն, մեզ պետք են հասարակական կյանքում ակտիվորեն ներգրավված, եվրոպական արժեքային համակարգին գաղափարական նվիրվածություն ունեցող ուսանողներ, մարդիկ, որոնք հետագայում իրենց գործուն եւ արդյունավետ ներդրումը կունենան մարդու իրավունքների պաշտպանության եւ ժողովրդավարական գործընթացներում: Ընդունելության կարգը դեռ մշակման փուլում է: Անվճար ուսուցման 10 տեղ նախատեսել ենք տեղացի ուսանողների եւ 5-ական անվճար տեղերª գործընկեր համալսարանների ուսանողների համար: Եվս 5, սակայն վճարովի տեղ ավելացրել ենք մեր կողմից: Ուսանողները երկու կիսամյակ կրթություն կստանան Հայստանում, այնուհետ, իրենց ընտրությամբ, կտեղափոխվեն գործընկեր համալսարաններ: Հայաստանում նրանց կդասախոսեն իրենց մասնագիտական ոլորտում կայացած, բարձրակարգ մասնագետներ: Յուրաքանչյուր երկրում ապրելու դեպքում ուսանողներն իրենց կացության եւ ծախսերի համար կստանան մոտ 250 եվրո ամսական կրթաթոշակ: Ընդունելության քննությունները, հավանաբար, կսկսվեն մայիս ամսին, իսկ դասընթացները կսկսվեն նոր ուսումնական տարում: Կրթական ծրագրի մոդելը տարբերվում է ավանդականից: Յուրաքանչյուր առարկա դասավանդվելու է մեկ շաբաթ, այսինքնª առարկաներն ուսումնասիրվելու են հաջորդականության սկզբունքով»,- ասաց կենտրոնի տնօրեն Արթուր Ղազինյանը: Կենտրոնի շրջանակներում ներկայումս աշխատանքներ են տարվում կարիերայի կենտրոնի հիմնադրման ուղղությամբ, որի տվյալների բազայում ընդգրկված կլինեն եվրոպական կրթություն ունեցող, միջազգային կրթական ծրագրերի մասնակցած բարձրակարգ մասնագետները, որոնք իրենց մասնագիտությանն ու որակավորմանը համապատասխան աշխատանք են փնտրում: Կենտրոնում գրանցվելը հնարավորություն կտա ստեղծել անձնական էջը, տեղակայել այնտեղ անհրաժեշտ տեղեկատվություն: Կենտրոնը հնարավորություն է տալիս ուղղակի կապ հաստատել ՀՀ-ում եւ դրա սահմաններից դուրս գործող մեծ թվով գործատուների հետª առավել ցանկալի եւ բարձր վարձատրվող աշխատանք գտնելու համար: «Մեր կենտրոնում գործում է ԵՄ ռեսուրս կենտրոն, Եվրոպագիտությանը (ԵՄ իրավունք, տնտեսագիտություն, քաղաքագիտություն, մարդու իրավունքներ եւ ժողովրդավարություն, սոցիոլոգիա, պատմություն) վերաբերող հարուստ գրադարան, համակարգչային լսարան եւ էլեկտրոնային գրադարան: Կենտրոնի հատուկ վերապատրաստում անցած աշխատակիցները կօգնեն ուսանողներին գտնել անհրաժեշտ նյութերը£ Անհրաժեշտության դեպքում հնարավորություն կտրվի դրանք տպագրել եւ բազմացնել: Ռեսուրս կենտրոնի ծառայություններն անվճար են, դրանցից կարող է օգտվել յուրաքանյուր մարդ, ում հետաքրքրում է Եվրոպական Միությանն առնչվող հիմնահարցերը»,- նշեց Արթուր Ղազինյանը:

Ն.Հ.

ՈՒՀԱ. ՁՄԵՌԱՅԻՆ ԳԱՎԱԹ

Ուրախների ու հնարամիտների ակումբը Հայաստանում եւս բազմաթիվ անդամներ ունի£ Խաղ-

մրցույթի հանդեպ հետաքրքրությունը չի մարում£ Ավելին, այս տարի առաջին

անգամ Ծաղկաձորում կազմակերպվեց «Ձմեռային գավաթի» խաղարկություն£ Առաջին փուլում առավելագույն միավորներ հավաքեց ԵՊՀ-ի թիմը£ «Երկրորդ անգամ ենք ներկայացնում համալսարանը£ Առաջին անգամ սահմանափակվեցինք կիսաեզրափակիչով: Այս անգամ ամեն ինչ արել էինք, որ ներկայանայինք այնպիսի թիմով, այնպես հանդես գայինք, որ բարձր պահեինք համալսարանի անունը»,- ասում է թիմի ավագ Ալիկը: Կազմակերպիչներից Արամ Մելիքյանն ասում է, որ ոչ պաշտոնապեսª «Բազե» հավաքի շրջանակներում մեկ անգամ արդեն անցկացվել էր սեզոնային գավաթի խաղարկություն: «Այս խաղարկության կազմակերպման առաջարկությունն արել էր «Younglife» ակումբը: Մեր նպատակն էր ուսանողներին համախմբել մի գաղափարի շուրջը, որի անունն է ՈՒՀԱ: Ստացվեց: Մենք բախվեցինք խնդիրների, որ հաշվի չէինք առել, որոնք շտկման կարիք ունեն£ Ասենքª բեմը թատրոնի բեմի նման չէր, իսկ խմբերը սովոր էին հենց այդպիսի բեմերի: Բայց դրանք լուծվող հարցեր են, եւ հաջորդ անգամ կիմանանք, թե ինչպես բեմը ռացիոնալ օգտագործենք»,- ասում է Արամը եւ ավելացնում, որ թիմերը լավ էին պատրաստվել, բայց, դե, պաշտոնական լիգան ավելի պրոֆեսիոնալ է: «Այս խաղարկությունը պաշտոնական լիգայի հետ կապ ունի այնքանով, որ նույն անձնակազմն է զբաղվել կազմակերպչական հարցերով, թիմերով: Որպես առաջին փորձ, կարելի է հաջողված համարել: Այսօր բոլորի արդյունքները համարյա նույնն էին: Կարծում եմª հաջորդ խաղին թիմերն ավելի լուրջ կպատրաստվեն»,- թիմերի աշխատանքի մասին իր կարծիքը հայտնեց ժյուրիի նախագահ, Հայաստանի ուսանողական ազգային ասոցիացիայի հիմնադիր նախագահ, Հայաստանի ՈՒՀԱ-ի ուսանողական լիգայի հիմնադիր Աբրահամ Բաղչագուլյանը:

Համալսարանականները եզրափակիչ անցան 11 միավորով: «Այսօր ավելի շատ տարածված է եւ ընդունվում է գռեհիկ հումորը: Ինտելեկտուալ հումորը հնարավոր է` դահլիճում քչերը հասկանան, բայց ժյուրին` գնահատի»,- իրենց հաջողության գաղտնիքն են բացահայտում ԵՊՀ-ի թիմի տղաները:

Առաջին խաղում վաստակած միավորները թիմերը կաշխատեն ավելացնել եզրափակիչ խաղի ժամանակ, որը տեղի կունենա փետրվարի 25-27-ին դարձյալ Ծաղկաձորում: Իսկ հաղթող թիմը կդառնա առաջին գավաթակիրը եւ կստանա հանգստյան ուղեգիր:

Համալսարանականներին սատարելու էին գնացել ոչ միայն տարբեր ֆակուլտետների ուսանողները, այլեւ ԵՊՀ ուսանողների, շրջանավարտների եւ հասարակայնության հետ կապերի գծով պրոռեկտոր Ռուբեն Մարկոսյանն ու մշակույթի կենտրոնի տնօրեն Կարինե Դավթյանը: Նշենք նաեւ, որ ԵՊՀ Ուրախների եւ հնարամիտների ակումբը գործում է դեռեւս 1997-ից: Սկզբում թիմն անվանում էին «Современные экономисты», որի կազմում տնտեսագիտության ֆակուլտետի ուսանողներն էին: Այժմ ակումբը գործում է ԵՊՀ մշակույթի կենտրոնի կազմում: 2007-ի մայիսին թիմն ՈՒՀԱ ուսանողական լիգայում գրավել է առաջին տեղը:

ՆՈՐ ԱՆՎԱՆԱԿԱՐԳª «ՈՒՍԱՆՈՂԱԿԱՆ ԱՇԽԱՏԱՆՔ»

Օրերս Երեւանի պետական դրամատիկական թատրոնում ամփոփվեցին «Նա/Նե-2010»ամենամյա լրագրողական մրցույթի արդյունքները, կայացա

վ մրցանակաբաշխության հանդիսավոր արարողություն: Արդեն երրորդ անգամ անցկացվող «Նա/Նե»-ն այս տարի անակնկալ ուներ. ավանդական վեց անվանակարգերինª հեռուստատեսային նյութ, տպագիր հոդված, ռադիոնյութ, առցանց եւ բլոգում տեղադրված հոդված, լուսանկարչական աշխատանք, սոցիալական եւ առեւտրային գովազդ, որն ապրանքը գովազդելիս անդրադառնում է կնոջ կերպարին կամ գենդերային հավասարությանը, ավելացել էր եւս մեկըª ՎիվաՍել-ՄՏՍ-ի կողմից հայտարարված «Ուսանողական աշխատանք» անվանակարգը: «Ուսանողական աշխատանք» անվանակարգի առաջին մրցանակին եւ ՎիվաՍել-ՄՏՍ-ի կողմից սահմանված HTC բջջային հեռախոսին ու «Նա/Նե» արձանիկին արժանացավ Վ.Բրյուսովի անվան լեզվաբանական համալսարանի ուսանողուհի Սեդա Ստեփանյանը£ Երկրորդ մրցանակը հանձնվեց ԵՊՀ ժուռնալիստիկայի ֆակուլտետի ուսանող Տարոն Կոխլիկյանին£ Երրորդ մրցանակը շնորհվեց Տնտեսագիտական համալսարանի ուսանողուհի Արփինե Այվազյանին£ Բոլոր անվանակարգերում սահմանված էին երեքական մրցանակ: Հաղթողն արժանանում է «Նա/Նե» արծաթե արձանիկի (գավաթի տեսք ունեցող մրցանակը պատրաստված է արծաթից եւ խորհրդանշում է նա-նե-ին՝ կնոջն ու տղամարդուն եւ կենաց ծառը, որը խոսափողի տեսք ունի) եւ 300.000 դրամ գումարային պարգեւի, երկրորդ մրցանակի համար սահմանված է հավաստագիր եւ 150.000 դրամ պարգեւ, երրորդ մրցանակի համարª հավաստագիր ու 75.000 դրամ պարգեւ: Հիշեցնենք, որ այս տարի մրցույթին 7 անվանակարգում ներկայացվել էր ավելի քան 100 լրագրողական աշխատանք: Մրցույթի աջակիցներն են Երեւանում Բրիտանական դեսպանատունը, ԵԱՀԿ երեւանյան գրասենյակը, ՄԱԿ-ի բնակչության հիմնադրամը եւ ՎիվաՍել-ՄՏՍ-ը: «Հեռուստատեսային ռեպորտաժ» անվանակարգում երրորդ տեղը զբաղեցրեց Լուսինե Ղարիբյանը, երկրորդ մրցանակի արժանացան երկու լրագրողª Սոնա Աբրահամյանը եւ Անի Ստեփանյանը: «Ռադիոնյութ» անվանակարգում առաջին մրցանակին արժանացավ «Ռադիո Հայ» ռադիոկայանի լրագրող Արմինե Գեւորգյանը£ Երկրորդ մրցանակը հանձնվեց «Ազատություն» ռադիոկայանի «Մաքս Լիբերթի» ծրագրի լրագրող Նանե Սահակյանին, իսկ երրորդ մրցանակըª Հանրային ռադիոյի «Լյուն-Սե» ծրագրի լրագրող Զարուհի Քոչարյանին£ «Տպագիր հոդված» անվանակարգում առաջին մրցանակը հանձնվեց «Առավոտ» օրաթերթի լրագրող Գոհար Հակոբյանին, երկրորդ մրցանակըª Վանաձորի տպագիր պարբերականի թղթակից Տիգրան Մանուչարյանին, երրորդ մրցանակըª ՙԱռավոտ՚ օրաթերթի լրագրող Մարիաննա Հակոբյանին:

«Առցանց եւ բլոգում տեղադրված հոդված» անվանակարգում մրցանակակիրներ դարձան`

1. www.ankakh.com - Աննա Մուրադյան

2. www.hetq.am - Ադրինե Թորոսյան

3. www.eurasianet.org/- Գայանե Աբրահամյան

«Լուսանկարչական աշխատանք» անվանակարգում գլխավոր մրցանակը հանձնվեց լուսանկարիչ Իննա Մխիթարյանին:

«Սոցիալական եւ առեւտրային գովազդ» անվանակարգում`

1. «Ստատուս Հոլդինգ»

2. «Փրայմ քոմերշլ»

3. «Դիմ քոմյունիքեյշն»

Սպասենք «Նա/Նե»-2011-ին:

eritasardakan

eritasardakan

www.eter.am

#4 (870) 27.01.2011

ԱՄԵՆԱՄԵԾ ՆՎԱՃՈՒՄԸ ԽԱՂԱՂՈՒԹՅՈՒՆՆ Է

Հունվարի 28-ը հայոց բանակի օրն է: Անշուշտ,

անկախության տարիների մեր ամենամեծ նվաճումներից մեկը մեր զինված ուժերն են, մեր բանակը: Իսկ բանակի ամենամեծ նվաճումը` խաղաղությունը: Հավատարիմ մնալով մեր երկրի սահմանների պահպանության, խաղաղության երաշխավոր լինելու իր գլխավոր առաքելությանը` բանակը, ցավոք, զերծ չի մնում արատավոր երեւույթներից` դժբախտ պատահարներ, կարգապահական խախտումներ, մտահոգիչ այլ խնդիրներ, որոնք մշտապես գտնվում են պաշտպանության նախարարի, ոլորտի պատասխանատուների ուշադրության կենտրոնում: >>>

www.eter.am

#4 (870) 27.01.2011

ՎԻԿ ԴԱՐՉԻՆՅԱՆԸ ՈՒՍԱՆՈՂՆԵՐԻՆ ՀՅՈՒՐ

ԵՊՀ ժուռնալիստիկայի ֆակուլտետի հյուրը պրոֆեսիոնալ բռնցքամարտիկ Վիկ Դարչինյանն է

ր: Չնայած ֆակուլտետի մասնաշենքում ընթանում են վերանորոգման աշխատանքներ եւ բավարար չափով լսարաններ չկան նույնիսկ քննությունների անցկացման համար, այնուամենայնիվ, անվանի բռնցքամարտիկի հետ հանդիպումը կայացավ: Իսկ «միջնորդը» մարզական մեկնաբան Վարդան Թադեւոսյանն էր: «Ինձ շատ հոգեհարազատ է այս ֆակուլտետը: Շատ եմ կարեւորում աշխարհահռչակ մարզիկների հետ ապագա լրագրողների հանդիպումը: Ժամանակին, երբ ես էի ուսանող, մեր մասնաշենքի մոտ հաճախ էր կանգնում Յուրի Վարդանյանի ավտոմեքենան£ Ժամ, ժամուկես սպասում էի մեքենայի մոտ, որ տեսնեի փառապանծ մարզիկին: Չէի էլ պատկերացնում, որ մի օր նրա հետ դեմ առ դեմ կնստեմ ու հարցազրույց կվարեմ»,- պատմեց Վարդան Թադեւոսյանը: Վիկ Դարչինյանը Հայաստան է ժամանել ընդամենը 2 շաբաթով: Ասում էª կարոտում է: Գալիս է այստեղ, դրական լիցքեր ստանում եւ գնումª հաջորդ մենամարտին պատրաստվելու: Ի դեպ, այս տարի նրա առաջին մենամարտը տեղի կունենա ապրիլին: Ֆակուլտետի ղեկավարությունը եւ ուսանողները Վիկին ուղղելու բազում հարցեր ունեին: Շատերն էին լսել Վիկի հայտարարությունը, որ ռինգում եւս մի քանի տարի մնալուց հետո զբաղվելու է այլ գործունեությամբ£ Բնականաբար, ուսանողներին հետաքրքրում էր, թե ինչ ծրագրեր է մտադիր իրականացնել մարզիկը Հայաստանում: «Սպիտակում գործում է մարզադպրոց: Պետք է մտածենք լավ մարզիչներ ունենալու մասին: Հիմա չեմ հասցնում շատ ժամանակ հատկացնել այդ գործին, քանի որ 3-4 ամիսը մեկ մրցումներ եմ ունենում: Բայց միշտ կապի մեջ եմ դպրոցի հետ, օգնում եմ մարզագույքով: Մի քանի տարուց ուզում եմ նաեւ Երեւանում ակումբ բացել, որպեսզի երեխաներն իմանան, որ իրենց ուժով կարող են գումար վաստակել, ապահովել իրենց եւ իրենց հարազատների բարեկեցությունը»,- ասում է Վիկը: Վիկ Դարչինյանը շեշտեց, որ այսուհետ հանդես է գալու Հայաստանի դրոշի ներքո: Նա լավ գիտակցում էր իր քայլի հնարավոր բոլոր հետեւանքները, բայց որոշումը վերջնական է: Վիկը ուսանողներին ներկայացրեց ուշագրավ դրվագներ իր մարզական կարիերայից, խոսեց լավ ու վատ հակառակորդների մասին, նաեւ որոշ «խոհանոցային գաղտնիքն» բացահայտեց: «Ամենալավ հակառակորդս եղել է կոլումբիացի Պաչեկոն: Նա շատ տաղանդավոր բռնցքամարտիկ է: Այդ ժամանակ` 2004-ին, 33 մենամարտ էր անցկացրել, չուներ պարտություն, իսկ 25-ը նոկաուտով էր հաղթել: Աշխարհի չեմպիոնի տիտղոսը պաշտպանելիս 6 անգամ նոկաուտով էր հաղթել: Իսկ ես… կարծես սոված գայլին ռինգ էին թողել: Ես նրան 11-րդ ռաունդում նոկաուտով հաղթեցի: Մինչեւ հիմա էլ դա հիշում են»,- իրեն բնորոշ հանգստությամբ ու համեստությամբ պատմում էր չեմպիոնը: Նա ժուռնալիստիկայի ֆակուլտետ դատարկաձեռն չէր եկել: Ֆակուլտետի դեկան Նաղաշ Մարտիրոսյանին իր մակագրությամբ բռնցքամարտիկի փոքրիկ ձեռնոցներ նվիրեց, ուսանողներին էլ` պաստառ` իր լուսանկարով ու մակագրությամբ: Պարոն Մարտիրոսյանն ասաց, որ ամեն մեկի համար հպարտություն է այդպիսի հայրենակից ունենալը, իսկ նվերներն իրենց հատուկ տեղը կգտնեն իր աշխատասենյակումª այլ հուշանվերների կողքին£ Վարդան Թադեւոսյանն էլ խոստացավ, որ անվանի մարզիկների հետ հանդիպումները ժուռնալիստիկայի ֆակուլտետում պարբերական բնույթ կկրեն: Վիկ Դարչինյանի հետ ուսանողները կրկին հանդիպելու հնարավորություն կունենան ապրիլինª նրա հերթական մարտից հետո:

ԵՊՀ լրատվության վարչություն

ՆՈՐ ՀԱՄԱԳՈՐԾԱԿՑՈՒԹՅՈՒՆ ՊՆ-Ի ՀԵՏ

ՀՀ պաշտպանության նախարարության եւ Երեւանի պետական համալսարանի, Հայաստանում

ֆրանսիական համալսարանի ու Ռուս-հայկական (սլավոնական) համալսարանի միջեւ ստորագրվել են համագործակցության պայմանագրեր: ՀՀ պաշտպանության նախարար Սեյրան Օհանյանը նշել է, որ բուհերի հետ համագործակցության պայմանագրերը ուսանողներին հնարավորություն կտան իրենց ուսումնական պրակտիկան անցկացնել պաշտպանական գերատեսչությունում, իսկ նրանցից լավագույնների համար հնարավոր է բացվեն պաշտպանության նախարարությունում աշխատանքային գործունեության հեռանկարներ: Միջոցառմանը մասնակցող ռեկտորները պաշտպանության նախարարին շնորհակալություն են հայտնել, որ ընդլայնվում է

բուհ-նախարարություն համագործակցությունը£ Այս նախաձեռնությունը կարող է նպաստել, որ ուսանողներն իրենց ակադեմիական գիտելիքները լրացնեն գործնական հմտություններով եւ, միաժամանակ, իրենց գիտելիքներով նպաստեն պաշտպանական գերատեսչության աշխատանքներին: Նախարարությունում ուսումնական պրակտիկա անցնող ուսանողները կընտրվեն ըստ ՊՆ պահանջարկի: Ըստ ՊՆ մամուլի քարտուղար Դավիթ Կարապետյանիª նախագիծը դեռ մշակման եւ կայացման փուլում է:

ՈՒՍԱՆՈՂԱԿԱՆ ԱՏԱՄՆԱԲՈՒԺԱՐԱՆ. ՆՈՐ ՄՈՏԵՑՈՒՄ

Համալսարանական ատամնաբուժարանն այս ուսումնական տարում էական փոփոխությունների է ենթարկվել£ 2010-ի սեպտեմբերից նախկին ստոմատոլոգիական կլինիկայի փոխարեն գործում է բոլորովին նորը: Վերաբացված ատամնաբուժարանը զգալի ծանրաբեռնվածությամբ, ֆինանսապես անկախ ու ինքնուրույն կլինիկա է, որի ծառայություններից կարող են օգտվել ոչ միայն ԵՊՀ-ականները£ Իսկ համալսարանականների համար գնային արտոնյալ քաղաքականություն է գործում: «ԵՊՀ աշխատակիցների համար զգալի զեղչեր ենք առաջարկում: Այդպիսի քաղաքականություն վարելու համար ստոմատոլոգիական կլինիկան պետք է ֆինանսապես կայուն լինի եւ կարողանա շարքային հաճախորդների մեծ քանակի շնորհիվ ավելի ցածր գներով սպասարկել համալսարանականներին»,- նշում է կլինիկայի տնօրեն Հայկ Սարգսյանը: ԵՊՀ-ում աշխատողների համար հատկացված զեղչերի ցանկը, ըստ տնօրենի, ժամանակ առ ժամանակ կվերանայվի: Մասնավորապես, մինչեւ փետրվարի 15-ը որոշ ծառայությունների դեպքում (ատամնաքարերի հեռացում, փայլեցում) համալսարանականները կսպասարկվեն անվճար: Մի շարք ծառայությունների համար էլ նախատեսված է մինչեւ 50% զեղչ: Այսօրվա դրությամբ կլինիկայի հաճախորդների միայն 10%-ն է համալսարանական: Ըստ Հայկ Սարգսյանիª այցելուների նման սակավությունը մասամբ պայմանավորված է տեղեկացվածության պակասով. «Համալսարանի աշխատակիցների մեծամասնությունը չգիտի, որ այսօր համալսարանական ատամնաբուժարանը հիմնովին նորոգվել է, տեղադրվել են բացառապես նոր սարքավորումներ եւ, որ ամենակարեւորն է, գործում են աշխատանքի եւ համալսարանական հաճախորդների նկատմամբ նոր մոտեցումներ»: Տնօրենի հավաստմամբª մինչեւ վերանորոգումը կլինիկան աշխատում էր «դաշտային աշխատանքների» համար նախատեսված սարքավորումներով: Վերաբացված ատամնաբուժարանում այսօր օգտագործվում են միմիայն 2006թ. հետո արտադրված սարքավորումներ: Առանձնացվել է թերապեւտիկ բաժանմունքը: Տնօրենը հատկապես կարեւորում է նաեւ ժամանակակից ավտոկլավիª ախտահանիչ սարքավորման առկայությունը, որը չկար նախկին կլինիկայում:

ԱՆՑՈՒԴԱՐՁ

ՎԻԳԵՆ ՉԱԼԴՐԱՆՅԱՆ. «ՁԱՅՆ ԲԱՐԲԱՌՈՅ…» ՔՍԱՆ ՏԱՐԻ ԱՆՑ

«Ապրիլ», «Տէր ողորմեա» (KYRIE ELEISON), «Լռության սիմֆոնիա», «Քրմուհին» կինոնկարներով հայտնի կինոռեժիսոր, դերասան, սցենարիստ, պրոդյուսեր Վիգեն Չալդրանյանը 20 տարի անց հանդիսատեսին հրավիրել էր իր «Ձայն բարբառոյ…» ֆիլմի շնորհանդեսին£ Նշենք, որ 1994թ. այս կինոնկարի համար ռեժիսորն արժանացել է Հյուսթոնի համաշխարհային կինոփառատոնի «Ոսկե մրցանակի»: ՀՀ արվեստի վաստակավոր գործիչ Վիգեն Չալդրանյանը 2001-ինª ՀՀ անկախության հռչակման 10-րդ տարեդարձի կապակցությամբ, ՀՀ նախագահի կողմից պարգեւատրվել է Մովսես Խորենացի մեդալով, 2006-ին ստացել է Հայաստանի կինեմատոգրաֆիստների միության «Անահիտ» մրցանակըª հայ կինոյում մեծ ավանդ ներդնելու համար: Իսկ ի±նչն էր ստիպել 20 տարի անց վերստին անդրադառնալ «Ձայն բարբառոյ…» ֆիլմին£ «Վաղուց էինք որոշել ֆիլմը նովելների տեսքով ներկայացնել£ Այսինքնª ֆիլմի ընթացքում հնչող տերունական աղոթքի յուրաքանչյուր տողով սկսվող մի նովել պետք է լիներ, եւ հիմա ստացվեց: Ֆիլմը ժամանակային տեւողության առումով էլ է կրճատվել, նոր մոնտաժով է ներկայացված, նաեւ տեխնիկական փոփոխություններ կան»,- ասաց «Հանապազ լույսի ճանապարհով. Վիգեն Չալդրանյա», «Ձայն լռության. Վիգեն Չալդրանյան» գրքերի կազմող եւ խմբագիր Սահականուշ Սահակյանը: Հոբելյանական երեկո-շնորհանդեսը տեղի ունեցավ հունվարի 26-ին «Մոսկվա» կինոթատրոնի Կարմիր դահլիճում:

«ՆԱ/ՆԵ» ՄՐՑԱՆԱԿԱԲԱՇԽՈՒԹՅՈՒՆ-2010

Կարեւորելով լրատվամիջոցների դերը եւ նշանակությունը հասարակական կարծիքի եւ երեւույթների ձեւավորման գործումª Բրիտանական խորհուրդը, Երեւանում Բրիտանական դեսպանատունը, ԵԱՀԿ երեւանյան գրասենյակը, ՄԱԿ-ի բնակչության հիմնադրամը եւ ՎիվաՍել-ՄՏՍ-ը հայտարարել էին «Նա/Նե» լրագրողական աշխատանքների հերթական մրցույթը: Մրցույթի նպատակը տարվա ընթացքում քաղաքական, հասարակական եւ տնտեսական ոլորտներում կանանց գործունեության, ձեռքբերումների եւ նվաճումների վերաբերյալ տպագրված կամ հեռարձակված նյութերի եւ հոդվածների ուսումնասիրումն ու հաջորդ տարիներին այս թեմաներով անդրադարձների խրախուսումն է: Մրցույթին ներկայացված են հայաստանյան տպագիր եւ հեռարձակող լրատվամիջոցների աշխատանքները հետեւյալ ոլորտներումª հեռուստատեսային նյութ, տպագիր հոդված, ռադիոնյութ, առցանց եւ բլոգում տեղադրված հոդված, լուսանկարչական աշխատանք, սոցիալական եւ առեւտրային գովազդ, լավագույն ուսանողական աշխատանք: Մրցանակաբաշխության ժյուրիի անդամներն են Աշոտ Մելիքյանը (Խոսքի ազատության պաշտպանության կոմիտե), Ջեմմա Հասրաթյանը (Համալսարանական կրթությամբ կանանց ասոցիացիա), Սուրեն Դեհերյանը (Լրագրողներ հանուն ապագայի), Նաիրա Սուլթանյանը (Բիտանական դեսպանատուն Երեւանում), Ջինա Սարգիզովան (ՄԱԿ-ի բնակչության հիմնադրամ, ԸԳԲ ծրագիր): Մրցանակաբաշխությունը կկայանա հունվարի 31-ին Երեւանի Հ.Ղափլանյանի անվան դրամատիկական թատրոնում:

Ն.Հ.

#3(869) 20.01.11

www.eter.am

ԻՆՉՆ Է ԻՆՁ ԱՆՀԱՆԳՍՏԱՑՆՈՒՄ

Օ՜, ԳՐՔԵՐԻ ԱՇԽԱՐՀԸ…

Երեւանի Կարեն Դեմիրճյանի անվան մետրոպոլիտենի

«Երիտասարդական» կայարանի մոտ գտնվող գետնանցումի մի

հատվածը, որ կոչվում է «Բուկինիստներ». դարձել է յուրատեսակ մի գրախանութ: Մի խումբ մարդիկ այստեղ գրքեր են վաճառում: Ամենուրեք իրար վրա բարձված գրքեր են, որոնց հոտը միախառնվում է խոնավության հոտին: Պատկերն ամբողջացնում են վաճառողների «էստի համեցեք»-ները: Ամեն օր հենց այստեղով եմ անցնում, որ գնամ համալսարան, ու ամեն անգամ ինձ համար մի նոր բացահայտում եմ կատարում: Մի անգամ նկատեցի` ինչպես

գրավաճառներից մեկը փոքրիկ գրատախտակի վրա գրում էր հայտնի

գրողների ասույթներ: Այդ օրվա կարգախոսն էր` «Օ՜, գրքերի աշխարհը տիեզերք է անեզր»: Կարդացի ու ակամա մտածեցի. «Այս դեպքում ոչ թե տիեզերք է, այլ` գետնանցում»: Գետնանցումի գիրք վաճառողներից մեկն ասում է. «Մենք էլ

կուզեինք ավելի բարենպաստ պայմաններում աշխատել, բայց ի՞նչ արած, սա է մեզ բաժին հասել»: Անցած տարի ՀՀ կառավարությունը որոշում ընդունեց հատուկ մի մեծ գրախանութ բացելու մասին, ինչը, գոնե որոշ չափով, կնվազեցներ փողոցային գրավաճառությամբ զբաղվողների թիվը: Գրախանութի բացմանը հիմա էլ մեծ անհամբերությամբ սպասում են թե՛ «Բուկինիստների» գետնանցումի, թե՛ «Վերնիսաժի», թե՛ այլ փողոցներում գրավաճառությանբ զբաղվող մարդիկ: Իսկ մինչ գրախանութի բացվելը շարունակում են իրենց աշխատանքը` «հարմարվելով» գնորդների հետ: Այսպես` «Արկածային գրադարան» մատենաշարի 22-հատորյակը կարելի է գնել ընդամենը 1600 դրամով, Սովետական Հայաստանի 14-հատորանոց հանրագիտարանը` 25000 դրամով… Այստեղ կարող եք գտնել ձեզ հետաքրքրող ցանկացած գիրք, իսկ եթե չկա, հոգ չէ. բավական է պատվիրել ու մեկ շաբաթվա ընթացքում գիրքը կլինի ձեր ձեռքում: Այնքան շատ են իրար վրա շարված գրքերը, որ եթե, Աստված մի արասցե, որ մի օր այդ աշտարակը փուլ գա: Գետնանցումն ամբողջովին կփակվի: Բայց գուցե այդպես ավելի լավ լինի: Ճարահատյալ մարդիկ մեկական գիրք վերցնելով ու տուն տանելով գուցե վերականգնեն գրքերի հետ իրենց երբեմնի բարեկամությունը, երբ ամեն ընտանիքում փոքրիկ մի գրադարան կար:

ՍԵՎԱԿ ՎԱՐԴՈՒՄՅԱՆ

ՄԱՆՐԱԾԱԽ ՎԱՃԱ±ՌՔ, ԹԵ± ՄՈՒՐԱՑԿԱՆՈՒԹՅՈՒՆ

Մայրաքաղաքում տարածված վաճառականության մի տեսակ կա: Մարդաշատ վայրերում հայտնված մանրավաճառը ոչ թե առաջարկում, այլ պարտադրում է գնել այս կամ այն ապրանք£ ԵՊՀ-ի տարածքում այս սկզբունքով օրացույցներ է վաճառում մի պապիկ: Օրվա ընթացքում նա կարող է մի քանի անգամ մոտենալ նույն մարդուն ու համոզել, որ իրենից Հիսուսի պատկերով օրացույց գնի. «Օրացույցը կկախես գլխիդ վերեւն ու կգտնես երկրորդ կեսիդ»,- համոզում է նա: Եվ վերջում նա իր մատուցած ծառայության, փոքրիկ, բայց մեծ հնարավորություններով օժտված օրացույցի համար էլ պահանջում է «ընդամենը» 500-1000 դրամª կախված գնորդի սնահավատության աստիճանից: Եթե ԵՊՀ տարածքում գործերն այնքան էլ հաջող չեն ընթանում, պապիկը տեղափոխվում է հարեւան բուհերի տարածք: Շատ հաճախ, փողոցներում, հատկապես եկեղեցիների շրջակայքում, օրացուցային բիզնես են ծավալում երիտասարդները£ Պարզապես մեթոդներն են տարբեր. առանց մի խոսք ասելու նրանք պարզապես ձեռքիդ մեջ են դնում օրացույցը: Երբ սա պատահում է եկեղեցու մոտակայքում, մտածում եսª եկեղեցու աշխատողներ են եւ Հիսուսի պատկերով օրացույցներ են բաժանում: Ու երբ վերցնելովª շնորհակալություն ես հայտնում եւ ուզում ես հեռանալ, լսում է բղավոցը. «Փո°ղս տուր կամ էլ օրացույցը հե°տ տուր»: Հայտնվում ես գողության պահին բռնվածի վիճակում: Օրացույց վաճառողները երբեմն առաջարկում են վճարես այնքան, որքան ուզում ես£ Սակայն հիմնականում վճարածդ գումարը նրանց չի գոհացնում: Ողջունելի է, որ երիտասարդը մուրացկանությամբ չի զբաղվում, սակայն խոստովանենք, որ աշխատելու այս ձեւն էլ մուրացկանությունից քիչ է տարբերվում: Օպերայի շրջակայքում միշտ շրջում է մաստակ վաճառող մի պապիկ: Նա էլ վաճառելու իր մեթոդներն ունի. կտրում է պատահած անցորդի ճանապարհը եւ բոլորին, անկախ տարիքից եւ սեռից, դիմում միեւնույն ձեւով. «Լավ էլի, ախպե°րս, մի հատ ծամոն առ»: Եթե մերժես, նա փողոցի այդ հատվածում քո անբաժան «ընկերը» կդառնաª անվերջ գովելով իր ապրանքը: Եթե նրա խոսքերը քեզ ձանձրացնեն, եւ դու որոշես մի մաստակ գնել, նա մաստակը կդնի ձեռքիդ մեջ եւ կպահանջի ապրանքի գնից հնգապատիկ թանկ գին: Եթե հանկարծ մտքովդ անցնի վերադարձնել ապրանքը, նա շատ լուրջ դեմքով քեզ կսաստի. «Գնված ապրանքը հետ չի ընդունվում»: Պարտադրվող ապրանքների ցանկում են հայտնվել նաեւ թատրոնների տոմսերը£ Այս անգամ գործունեության ոլորտը դպրոցն է£ Գովելի է, երբ աշակերտին հաղորդակից են դարձնում մշակույթին: Բայց որոշ դպրոցներում տոմսերի այսպիսի վաճառքն իսկապես վերածվում է պարտադրանքի£ Երբ աշակերտն ինչ-ինչ պատճառներով մերժում է գնել տոմսը, հետեւում է ուսուցչի պատասխանը. «Տոմսը գնի°ր, հետո կգաս թե չես գաª քո գործն է»: Հաճախ էլ ցածր դասարանցիներին տանում են այնպիսի ներկայացումների, որոնցից երեխան բան չի հասկանում£ Բայց հոգ չէ, կարեւորն այն է, որ տոմսերը սպառվեն: Ցավալի է, որ թատրոնի տոմսերն են այսպիսի միջոցներով փորձում տարածել, այնինչ պետք է հակառակը լիներ. մարդիկ պետք է իրենք իրենց ցանկությամբ տոմսեր գնեին եւ բողոքեին, թե ինչու են դրանք շուտ սպառվում:

ԱՐՄԻՆԵ ՏՈՆՈՅԱՆ

ԳՈՌ ՀԱՐՈՒԹՅՈՒՆՅԱՆ. «ԲՈԼՈՐ ՀԱՋՈՂՈՒԹՅՈՒՆՆԵՐՍª ՀԱՅԱՍՏԱՆԻ ԴՐՈՇԻ ՆԵՐՔՈ»

Քսանմեկամյա ֆրանսահայ ըմբիշ եւ ընդհանուր մենամարտերի մարզիկ

Գոռ Հարությունյանը ծնվել է Վանաձորում£ Այժմ ծնողների եւ եղբոր հետ ապրում է Ֆրանսիայի Բանզեն քաղաքում: Ավարտել է Ֆրանսիայի ֆիզիկական կուլտուրայի ինստիտուտի ըմբշամարտի մարզչական բաժինը: Հիմա մարզական եւ մարզչական բուռն գործունեություն է ծավալում: Սպորտովª բռնցքամարտ, կարատե, լող, ըմբշամարտ, մարմնամարզություն, սկսել է զբաղվել չորս տարեկանից Վանաձորում: Լոռու մարզում անցկացված ըմբշամարտի մրցումներում հաղթելուց հետո մեկնում է Ֆրանսիաª մրցումների: Թեպետ ընդամենը տասնմեկ տարեկան էի, բայց առաջարկում են մնալ ու մարզվել Ֆրանսիայում£

-Հայաստանում անցկացրած անհոգ մանկությունից հետո, երբ ընկերներով բակում ֆուտբոլ էինք խաղում, չարաճճիություններ անում, շատ դժար էր նոր միջավայրում հայտնվելըª անծանոթ երկիր, անծանոթ մարդիկ: Տասներեք տարեկանից գնում էի ուսումնամարզական հավաքների: Դա մեր տնից 200կմ հեռու էր: Տարվա մեջ երեք անգամ էի տնեցիներին տեսնում: Հետո էլ անընդհատ քաղաքից քաղաք էի տեղափոխվում, եւ միայն անցած տարի է հաստատվել եմ ծնողներիս մոտª Բանզենում:

-Մարզական կարիերայիդ Ֆրանսիան որքանո±վ նպաստեց:

-Հայաստանում սպորտին ավելի մեծ տեղ են հատկացնում, քան Ֆրանսիայում: Մեզ մոտ ճանաչում ու գնահատում են մարզիկներին, իսկ այնտեղ այդպիսի ուշադրություն չկա: Բայց համոզված եմ, որ միշտ էլ աշխատանքը գնահատվում է: Կարող եմ վստահաբար ասել, որ աշխատասիրությամբ եմ շատ բան հաղթահարել: Եթե այսօր ճանաչված ու սիրված եմ թե ֆրանսիացի, թե հայ մարզասերների կողմից, ուրեմն աշխատանքս գնահատվել է:

-Վերջերս երկրպագուներիդ հիացրիր Կարեն Դեմիրճյանի անվան մարզահամերգային համալիրում քո վարած հերթական մարտով, երբ միավորների 30£27 հարաբերությամբ առավելության հասար ռուսաստանցի Միխայիլ Մալյուտնի նկատմամբ եւ նվաճեցիր ProFC վարկածով աշխարհի չեմպիոնի գոտին£ Իսկ Ֆրանսիայում մարզական ի±նչ հաջողությունների ես հասել:

-Ֆրանսիայի բազմակի չեմպիոն եմ ըմբշամարտից, ըմբշամարտի Եվրոպայի առաջնությունում հինգերորդ տեղն եմ զբաղեցրել, միջազգային մրցումների հաղթող եմ, ընդհանուր մենամարտերից վեց մարտ եմ ունեցել եւ ոչ մի անգամ չեմ պարտվել: Ինչի հասել եմ, հասել եմ Հայաստանի դրոշի տակ:

-Հայաստանյան մենամարտդ շատ լարված անցավ: Մրցակիցդ շարունակ կոտրող, խեղդող հնարքներ էր փորձում, բայց դու չէիր հանձնվում:

-Միխայիլ Մալյուտինն արժանի հակառակորդ էր, ուժեղ ու փորձառու մարզիկ եւ ամեն ինչ անում էր հաղթանակի հասնելու համար: Բայց ես եկել էի հաղթելու հայրենի հողի վրա: Ինձ այդքան ոգեւորող ժողովրդիս չէի կարող հիասթափեցնել:

-Սպորտից բացի ի±նչ հետաքրքրություններ ունես:

-Այլ հետաքրքրությունների համար ժամանակ չի մնում£ Ամբողջ օրը մարզվում եմ, ազատ ժամանակս էլ անցկացնում եմ ընկերներիս« ընտանիքիս հետ:

-Ընտանիք կազմելու մասին առայժմ չե±ս մտածում:

-Ընկերուհի չունեմ: Ամռանը կգամ Հայաստանª հարսնացու ընտրելու: Որոշել եմª կինս անպայման հայ պետք է լինի:

-Հնարավո±ր է մարզուհի լինի£

-Թող զբաղվի սպորտով, ես դեմ չեմ, բայց անկախ ամեն ինչից, նա ինձ համար պետք է լավ կին լինի, երեխաներիս համարª բարի, հոգատար մայր: Կնոջ դերն ընտանիքում շատ կարեւոր է, այնպես որ ընտանիք կազմելու հարցին շատ լուրջ եմ վերաբերվում:

ԳՈՀԱՐ ՊԵՏՐՈՍՅԱՆ

ԱՆՑՈՒԴԱՐՁ

«ՄԱՆԿԱԿԱՆ ԵՎՐԱՏԵՍԻԼԸ» ՀԱՅԱՍՏԱՆ Է ԳԱԼԻՍ

2011-ի դեկտեմբերն անսովոր տոնական կլինի Երեւանում. Կ. Դեմիրճյանի անվան մարզահամերգային համալիրում կկայանա «Մանկական Եվրատեսիլը» (եզրափակիչ համերգը`դեկտեմբերի 3-ին): Այս մասին հայտնեցին Հանրային հեռուստառադիոխորհրդի նախագահ Ալեքսան Հարությունյանը, գործադիր տնօրեն Գագիկ Բունիաթյանը եւ «Եվրատեսիլ-2011-ի» հայաստանյան պատվիրակության ղեկավար Գոհար Գասպարյանը լրագրողների հետ հանդիպման ժամանակ: Ի տարբերություն մեծահասակների «Եվրատեսիլի», «Մանկական Եվրատեսիլը» պարտադիր չէ, որ հաջորդ տարի կազմակերպվի հաղթող պետությունում: Համերգի անցկացման վայրը որոշվում է համերգը հյուրընկալել ցանկացող պետությունների ներկայացրած հայտերի հիման վրա` մրցութային կարգով: Այս տարի մրցույթը շահել է Հայաստանը: Ըստ Ալեքսան Հարությունյանի` մեր երկրի պայմանները եւ մեր ունեցած հնարավորությունները թույլ են տալիս նման միջոցառում կազմակերպել: Նա նշեց, որ կարվի հնարավոր ամեն ինչ, որ հայաստանյան համերգը ոչնչով չզիջի նախորդներին: Համերգի պրոդյուսերը լինելու է շվեդ Բո Վան Բերգը, որը մրցույթի կազմակերպման բազմամյա փորձ ունի: Համերգի բյուջեի մի մասը կտրամադրի Եվրոպական հեռարձակողների միությունը, մյուս մասը` Հայաստանը: «Մանկական Եվրատեսիլ-2011»-ին իր աջակցությունը կցուցաբերի նաեւ նախագահ Սերժ Սարգսյանը:

ԱՇՆԱՆԱՅԻՆ ՎԱՅՈՑ ՁՈՐ

Հունվարի 18-ին Երեւանի նկարիչների միությունում կրկին տոն էր, կրկին ցուցահանդեսի բացում: Լոռվա ձորից ու Արցախից հետո «Լոռվա ձոր» հայրենակցական միության եւ «Փյունիկ» հիմնադրամի նախաձեռնած նկարչական փառատոնի հաջորդ հանգրվանը Վայոց ձորն էր: «Ինչո՞ւ, քանի որ, նկարիչների համոզմամբ, Վայոց ձորում գույներն ինքնատիպ են, եւ այստեղ է Հայաստանի պատմաճարտարապետական գոհարներից մեկը` Նորավանքը: Սրան ավելացավ նաեւ Մոմիկի ծննդյան 750-ամյակի իրողությունը: Հենց այդ հոբելյանին էլ նվիրվեց փառատոնը: Այսպիսի մեկնարկն էլ պատճառ դարձավ, որ արվեստագետները նախ եւ առաջ ձգտեցին նկարել բոլոր այն եկեղեցիները, պատմաճարտարապետական հուշարձանները, որոնք երբեւէ առնչություն են ունեցել մեծ Մոմիկի հետ:

Դա եւ Նորավանքն է, եւ Սպիտակավորը, եւ Զորաց տաճարը, եկեղեցինեը Արաբեսում, Արենիում, Ույգուր սարում եւ անգամ Տաթեւում: Նկարչական այս փառատոնին մասնակցած 19 արվեստագետներից ամեն մեկը ձգտում էր իր յուրօրինակ «հեքիաթը» հյուսել ու կտավներում մեզ ներկայացնել ավելի շատ պատմական իրողությունները, ավանդույթները, անգամ հիշողությունները, նորօրյա աղոթքները, նաեւ հույսն ու հավատը ապագայի նկատմամբ»,- ասաց «Լոռվա ձոր» հայենակցական միության նախագահ Սերգո Երիցյանը: «Նկարչական փառատոների հասցեները կարող են տարբեր լինել, մեր երկրի ցանկացած տարածաշրջանը` Տավուշը կամ Լոռին, Սյունիքը կամ Շիրակը, Գեղարքունիքը կամ Արարատյան դաշտը, Արցախը, Ջավախքը: Մտածում ենք նաեւ այս փառատոներին, մեր արվեստագետների հետ համատեղ, մասնակից դարձնել նաեւ օտարերկրյա նկարիչների: Մենք արդեն համաձայնություն ենք ձեռք բերել Սանկտ Պետերբուրգի նկարիչների հետ, եւ նրանք Հայաստան կգան մայիս-հունիս ամիսներին: Դրանով սկիզբ կդնենք միջազգային փառատոնի: Անշուշտ, հայաստանցի նկարիչների համար այլ երկրների ստեղծագործական հորիզոնները եւս չպետք է փակ լինեն. օրինակ` առաջին քայլը այսպիսին կլինի. ապրիլին հայ նկարիչները կգնան Սիրիա` Դեր-Զոր եւ կփորձեն կտավին հանձնել իրենց զգացումները եւ տեսածը: Չեմ բացառում նաեւ, որ մենք ցուցահանդեսներ կունենանք ոչ միայն Հայաստանում, այլեւ նրա սահմաններից դուրս»,- առաջիկա ծրագրերը ներկայացնելով` ասաց «Փյունիկ» հիմնադրամի նախագահ Լեւոն Սարգսյանը: «Առաջին հայացքից թվում է, թե դյուրին ու պարզ զբաղմումք է պլեներային` բացօթյա գեղանկարչությունը: Սակայն դա ամենեւին այդպես չէ, քանի որ արվեստագետը պետք է գերազանց տիրապետի վրձնի ճկուն եւ արագ հարվածներին, ցուցաբերի հմտություն եւ վարպետություն, ունենա սուր աչք ու նուրբ դիտողականություն, խուսափի իրականության անփոփոխ պատճենումից ու որսա պահի գեղեցկությունը»,- ասում է արվեստաբան Անի Մարգարյանը: Այս շրջագայության ընթացքում նկարիչներին հաջողվել է որսալ ավելի քան 400 այդպիսի պահ նկար ու դրանք կտավին դրոշմեով` հանձնել արվեստասերների դատին:

Գեղանկարը` Սուրեն Խորենյանի

«Նորավանք. հուշարձան Մոմիկին»

Ն.Հ.